Ой, летіли гусоньки  Download Sample

Ой, летіли гусоньки
Низько понад стріхи,
Ой, лем єден парубок
Робить з мене сміхи.
Не за то сміється,
Же-м не файна дівка,
Ой, лем за то смієтся,
Же-м му не фраїрка.

Ой, парубче, парубче,
Курка тя затопче.
Ані одна дівчина
В селі тя не хоче.
І я тя не хочу,
Нігди-м не хотіла.
Я такими дурнями
Плоти городила.

Тобі треба тисячів,
Би на них сидіти,
Лем на печі лежати,
Добре їсти, пити.
А я небогата,
Лем дві руки маю,
Люблю всяку роботу,
Всяке діло знаю.

Хижу, сіни замету,
Корови подою.
І на кухні, і в полю
За себе постою.
І ти недоріслий,
Роботи не знаєш,
Лем у пляшку і миску
Часто споглядаєш.

Ой, тоді ся ожениш,
Коли риба свисне,
Ой, коли вогонь воду
До себе притисне.
Тоді ся ожениш,
Як заяць закряче,
Ой, тота за тя вийде,
Що в болоті скаче